సమాధానమును గూర్చిన బైబిల్ వచనాలు

“శాంతి మీ కనుగ్రహించి వెళ్లుచున్నాను; నా శాంతినే మీ కనుగ్రహించుచున్నాను; లోకమిచ్చునట్టుగా నేను మీ కనుగ్రహించుటలేదు; మీ హృదయమును కలవరపడనియ్యకుడి, వెరవనియ్యకుడి.”

యోహాను 14:27 · పరిశుద్ధ గ్రంథము, పాత అనువాదము (పబ్లిక్ డొమైన్)

“దేనినిగూర్చియు చింతపడకుడి గాని ప్రతి విషయములోను ప్రార్థన విజ్ఞాపనములచేత కృతజ్ఞతాపూర్వకముగా మీ విన్నపములు దేవునికి తెలియజేయుడి. అప్పుడు సమస్త జ్ఞానమునకు మించిన దేవుని సమాధానము యేసుక్రీస్తు వలన మీ హృదయములకును మీ తలంపులకును కావలియుండును.”

ఫిలిప్పీయులకు 4:6-7 · పరిశుద్ధ గ్రంథము, పాత అనువాదము (పబ్లిక్ డొమైన్)

“ఎవనిమనస్సు నీమీద ఆనుకొనునో వానిని నీవు పూర్ణశాంతిగలవానిగా కాపాడుదువు. ఏలయనగా అతడు నీయందు విశ్వాసముంచి యున్నాడు.”

యెషయా 26:3 · పరిశుద్ధ గ్రంథము, పాత అనువాదము (పబ్లిక్ డొమైన్)

“నాయందు మీకు సమాధానము కలుగునట్లు ఈ మాటలు మీతో చెప్పుచున్నాను. లోకములో మీకు శ్రమ కలుగును; అయినను ధైర్యము తెచ్చుకొనుడి, నేను లోకమును జయించియున్నాననెను.”

యోహాను 16:33 · పరిశుద్ధ గ్రంథము, పాత అనువాదము (పబ్లిక్ డొమైన్)

“యెహోవా నిన్ను ఆశీర్వదించి నిన్ను కాపాడునుగాక; యెహోవా నీకు తన సన్నిధిని ప్రకాశింపజేసి నిన్ను కరుణించునుగాక; యెహోవా నీమీద తన సన్నిధి కాంతి ఉదయింపజేసి నీకు సమాధానము కలుగజేయును గాక.”

సంఖ్యాకాండము 6:24-26 · పరిశుద్ధ గ్రంథము, పాత అనువాదము (పబ్లిక్ డొమైన్)